बैतडी : बैतडीमा १६ लाख मुल्यको सामानसहित एक जना पक्राउ परेका छन्। बैतडीको सुर्नया गाउँपालिका–२ बस्ने २१ वर्षीय हरीष बिष्ट भन्सार छलीका सामानसहित मंगलवार पक्राउ परेका हुन्।
बिष्टलाई सुर्नया गाउँपालिका–६ सतबाज शंकरपुर सडकखण्ड अन्तर्गत रिगा स्थित से १ ज २४१ नम्बरको बोलेरो जिपलाई चेकजाँच गर्दा अबैंध रुपमा भारतबाट भन्सार छली गरि ल्याएका अन्दाजी १६ लाख १६ हजार मूल्य बराबरको दिलखुस नामक बिडी १६ पेटी र उक्त जिपसहित जिल्ला प्रहरी कार्यालय बैतडीबाट खटिएको प्रहरी गस्ती टोलीले नियन्त्रणमा लिएको हो।
सामान, जिप र बिष्टलाई आवश्यक कारबाहीको महाकाली भन्सार कार्यालय झुलाघाट बैतडी पठाएको जिल्ला प्रहरी कार्यालय बैतडीले जनाएको छ।
प्रतिक्रिया दिनुहोस्