काठमाडौं : नेपालमा करिब डेढ लाख होटेल तथा रेष्टुरेन्ट रहेको पाइएको छ । राष्ट्रिय होटेल तथा रेष्टुरेन्टको सर्वेक्षण २०८० ले यी होटल तथा रेष्टुरेन्टले वार्षिक रुपमा ३ खर्ब २६ अर्ब आम्दानी गरेका छन् ।सर्वेक्षणको नतिजाअनुसार सन्दर्भ अवधिमा आवास तथा भोजन सेवा प्रदान गर्ने जम्मा १ लाख ४२ हजार २२३ प्रतिष्ठानहरु सञ्चालनमा रहेका हुन् ।
आवास तथा भोजन सेवा प्रदान गर्ने प्रतिष्ठानहरुमा संलग्न व्यक्तिहरुको संख्या ३ लाख ८७ हजार ७४७ रहेको प्रतिवेदनमा उल्लेख गरिएको छ ।संलग्न व्यक्ति भन्नाले प्रतिष्ठानमा सक्रियरुपले कार्यरत व्यवसायी तथा साझेदारहरु, वेतलबी पारिवारिक सदस्यहरु र तलबी रोजगार व्यक्तिहरु भएको प्रतिवेदनमा उल्लेख गरिएको छ ।त्यस्तै यी होटल तथा रेष्टुरेन्टमा १ लाख ६ हजार ४५९ जनाले रोजगारी पाइरहेको प्रतिवेदनमा उल्लेख गरिएको छ ।
आवास तथा भोजन सेवा प्रदान गर्ने प्रतिष्ठानहरुमा रोजगार व्यक्तिहरुको संख्या भन्नाले प्रतिष्ठानबाट नियमित रुपले तलव/ज्याला लिनेगरी कार्यरत कर्मचारी तथा कामदार व्यक्तिहरु भएको सर्वेक्षणमा उल्लेख गरिएको छ ।प्रतिवेदन अनुसार होटेल तथा रेष्टुरेन्टले तलब/ज्याला तथा सुविधामा २० अर्ब ६१ करोड ५० लाख खर्च गरेका छन् ।
प्रतिक्रिया दिनुहोस्