बैतडीको सतबाँझमा हिउँदे फलफुलका विरुवाको मुल्य तोकियो !

बैतडी : बैतडीमा हिउँदे फलफुलका विरुवाको मुल्य तोकिएको छ । हिउँदमा फलफुल रोप्ने समय भएसँगै जिल्लाको सतबाँझस्थित सुख्खा फलफुल विकास केन्द्रले हिउँदे फलफुलका विरुवाको मुल्य तोकेको हो ।

केन्द्रले हिउँदमा रोपिने विभिन्न फलफुलका विरुवाहरुको दररेट जारी गरेको छ । विभिन्न जातका हिउँदे फलफूलका बिरुवा नर्सरीमा उपलब्ध रहेका र ती बिरुवाहरुको मूल्य तोकिएको केन्द्रका सूचना अधिकारी चन्द्रबहादुर ठगुन्नाले बताए । उनका अनुसार केन्द्रले स्याउ कलमी प्रतिबोट ७० रुपैयाँ तोकिएको छ भने ड्वार्फ स्याउ कलमी प्रतिबोट २ सय रुपैयाँ तोकिएको छ ।

यस्तै नासपाती कलमी प्रतिबोट ७०, आरु कलमी प्रतिबोट ५०, आरुबखडा कलमी प्रतिबोट ५०, खुर्सानी कलमी प्रतिबोट ५०, ओखर कलमी प्रतिबोट ३५०, ओखर बिजु प्रतिबोट ४०, कागती बदाम कलमी प्रतिबोट ६० र कटुस बिजु प्रतिबोट ४० रुपैयाँ मूल्य तोकिएको ठगुन्नाले बताए । केन्द्रको नर्सरीमा विभिन्न जातका हिउँदे फलफूलका ३९ हजार ३९० बिरुवा विक्रि योग्य रहेको बताईएको छ ।