रास्वपा रवि लामिछानेको नेतृत्वमा सरकारमा जाने, कुन-कुन मन्त्रालयमा दाबी ?

काठमाडौं – राष्ट्रिय स्वतन्त्र पार्टी (रास्वपा) सभापति रवि लामिछानेको नेतृत्वमा सरकारमा सहभागी हुने भएको छ ।

पार्टीको बैठकले लामिछानेकै नेतृत्वमा सरकारमा सहभागी हुने निर्णय गरेको एक नेताले बताए । तर, कुन मन्त्रालय लिने भन्ने टुंगो लागि नसकेको उनले बताए । यद्धपी गृह मन्त्रालय लिन सकिने सम्भावनाबारे छलफल भइरहेको छ। साे मन्त्रालय नपाएमा शिक्षा, स्वास्थ्य, श्रम, वाणिज्य–आपूर्ति, यातायातजस्ता कामकाजी मन्त्रालयहरुमा रास्वपाले  दावी गर्ने भएको छ । नेकपा माओवादी केन्द्रका अध्यक्ष पुष्पकमल दाहाल प्रचण्डलाई रास्वपाले पनि प्रधानमन्त्रीमा समर्थन गरेको छ । रास्वपा सरकारलाई समर्थन गर्ने तेस्रो ठूलो दल हो ।