वीरगन्जबाट पोखरा जाँदै बस दुर्घटना हुँदा १७ जना घाइते

मकवानपुर : मकवानपुरको हेटौँडामा बस दुर्घटना हुँदा १७ जना घाइते भएका छन् ।

वीरगन्जबाट पोखरा जाँदै गरेको ग २ ख १६२१ नम्बरको बस शुक्रबार ब्रेक फेल भई चुरियामाई मन्दिर नजिकै पर्ने पूर्व पश्चिम सडक खण्डको रातोपाटे भन्ने स्थानमा दुर्घटना हुँदा चालकसहित १७ जना घाइते भएका हुन् ।

बसमा १८ जना सवार रहेका बताइएको छ । मकवानपुर प्रहरीका अनुसार बाराको पर्सैनि गाउँपालिका-३ का ९ वर्षकी जोनीशा कुमारी ठाकुरको अवस्था गम्भीर छ । घाइतेहरूको हेटौँडा अस्पतालमा उपचार भइरहेको छ ।