मोटोपनालाई छोटो समयमै कसरी घटाउने

काठमाडौं : मोटोपना आज धेरै मानिसको ठूलो समस्या बन्दै गएको छ । मोटोपनाका कारण स्वास्थ्यमा समेत समस्या देखिने हुँदा यसलाई घटाउनको लागि धेरैले नयाँ उपाय सोचिरहेका हुन्छन् । 

मोटोपनलाई घटाउन धेरै समय र प्रयासको माग गर्दछ । छोटो समयमा मोटोपना घटाउनका लागि सही आहार, नियमित व्यायाम, पर्याप्त पानीको सेवन, मानसिक शान्ति र राम्रो निद्राको संयोजन अत्यन्त महत्त्वपूर्ण छ । यी सबै उपायहरूको संयोजन गरेर तपाईंले स्वस्थ र प्रभावकारी रूपमा वजन घटाउन सक्नुहुन्छ ।

तर, दीर्घकालीन सफलता पाउनका लागि धैर्य र निरन्तरता आवश्यक छ । तपाईंले पनि आफ्नो वजन घटाउन चाहनुहुन्छ भने तलका यी प्रक्रियालाई निरन्तरता दिन सक्नुहुनेछ-

सन्तुलित र कम क्यालोरीयुक्त आहार

मोटोपना घटाउनका लागि सबैभन्दा पहिले सन्तुलित आहार अपनाउनुपर्छ । जस्तो कि प्रोटिन, कार्बोहाइड्रेट र फ्याटको सन्तुलित मात्रा राख्नु महत्त्वपूर्ण छ । ताजै फलफूल, सागपात, दल, अन्न, र दुग्धजन्य पदार्थहरूको सेवन गर्नुपर्छ । तर, प्रशोधित र चिल्लो खाना, मिठाइ, र जङ्क फूडबाट टाढा बस्नुपर्छ । 

व्यायाम

शारीरिक गतिविधि अत्यन्त आवश्यक छ व्यायाम । हप्तामा कम्तीमा ४–५ दिन ३० मिनेटदेखि १ घण्टा सम्मको व्यायाम अनिवार्य गर्नुपर्ने हुन्छ । यसमा जस्तै, दौड, साइकल चलाउने), शक्ति प्रशिक्षण (जस्तै, वजन उठाउने) र लचिलोपन अभ्यास (जस्तै, योग) गर्न सकिन्छ । 

पानीको सेवन 

शरीरको हाइड्रेशन पनि महत्त्वपूर्ण छ । दिनभरि पर्याप्त पानी पिउनाले मेटाबोलिज्मलाई बढाउँछ र शरीरमा भएको विषाक्त पदार्थलाई बाहिर निकाल्न मद्दत पुर्याउँछ । 

अल्कोहल र मीठा पेय पदार्थको सेवन घटाउने 

अल्कोहल र चिनी भएका पेय पदार्थहरूले क्यालोरीको मात्रा धेरै हुन्छ, जसले वजन बढाउँछ । यसलाई यथासम्भव घटाइ मोटोपन भएका व्यक्तिले विशेष गरी सोडा, एनर्जी ड्रिंक र अन्य मीठा पेय पदार्थबाट टाढा रहनुपर्ने हुन्छ । 

तनावको व्यवस्थापन

तनावले शरीरमा कोर्सोल हार्मोनको उत्पादन बढाउँछ, जसले शरीरमा बोसो जम्मा गर्न सक्छ । त्यसैले तनाव कम गर्नका लागि मानसिक स्वास्थ्यको ख्याल राख्नु आवश्यक छ । ध्यान, योग जस्ता अभ्यासहरूले मानसिक शान्ति ल्याउँछन् र तनाव घटाउँछन् । योग र हल्का स्ट्रेचिङ शारीरिक र मानसिक सन्तुलन राख्न मद्दत पुर्याउँछ । यसले मांसपेशीहरूको लचिलोपन बढाउँछ र शरीरलाई स्वस्थ राख्छ । 

निन्द्रा र विश्राम

पोषण र व्यायामको साथ राम्रो निद्राले पनि मोटोपन घटाउन मद्दत पुर्याउँछ । पर्याप्त निन्द्रा नपाएमा शरीरका बोसो जलाउने प्रक्रियाले सही ढंगका साथ काम गर्दैन । राति ७–८ घण्टा निन्द्रा लिनु आवश्यक छ । 

सप्लिमेन्टहरूको प्रयोग

केही व्यायाम र आहारका सप्लिमेन्टहरू जस्तै ग्रीन टी एक्स्ट्र्याक्ट, प्रोटिन पाउडर तपाईंको वजन घटाउने प्रक्रियामा मद्दत पुर्याउन सक्छ । यद्यपि, यी सप्लिमेन्टहरूको प्रयोग गर्नुअघि चिकित्सकसँग सल्लाह लिनुपर्छ ।