परालको आगो गोठमा सल्किदा ३ लाखको क्षती

कञ्चनपुर : कञ्चनपुरमा एक गोठमा आगलागी हुँदा ३ लाखको क्षती भएको छ । बिहिबार भीमदत्त नगरपालिका – ३ तिलकपुरका कमला कठायतको गोठमा आगलागी भएको हो ।

प्रहरीका अनुसार इटाबाट बनेको र टिनले छाएको ३ कोठे कच्ची गोठमा निजले बालेको आगोबाट गोठ भित्र रहेको परालमा आगलागी हुँदा गोठमा रहेको अन्नपात, काठ लगायतका सामानहरु जलेर नस्ट भएका छन ।

आगलागीबाट एउटा भैँसी र पाडो जलेर घाईते भएको प्रदेश प्रहरी कार्यालय धनगढीले जनाएको छ । आगलागी प्रहरी, स्थानीय र दमकलको सहयोगमा नियन्त्रणमा लिईएको थियो ।