महेन्द्रनगर बजारको अनुगमन, एक पसलाई १० हजार जरिवाना

धनगढी : महेन्द्रनगर बजारको अनुगमन गरिएको छ । शुक्रबार खाद्य प्रविधि तथा गुण नियन्त्रण विभाग धनगढी र जिल्ला प्रशासन कार्यालय कञ्चनपुरको टोलिले महेन्द्रनगर बजारको अनुगमन गरेको हो ।

अनुगमनका क्रममा दसैं नजिकिए सङ्गै अखाद्य वस्तु छ्यापछ्याप्ती बिक्रि गरिरहेको पाइएको जनाइएको छ । अनुगमनका क्रममा गोपाल गोरसमा अखाद्य वस्तु फेलापरेको जिल्ला प्रशासन कार्यालयले बताएको छ ।

उक्त पसललाई १० हजार जरिवाना गरिएको र आयिन्दा खराब मिठाइ नबेच्न चेतावनी दिइएको सूचना अधिकारी उद्धव सिह कार्कीले जनाए । यस पटक बजारमा रहेका १०(१२ मिठाई पसलहरुमा अनुगमन गरिएको सूचना अधिकारी कार्कीले बताए ।

यस्तै , अनुगमनका क्रममा आगन डेरी र पाठक डेरीमा पुराना सडेका वस्तु प्रयोग गरेर मिठाई बनाएको , रंगको अत्याधिक प्रयोग गरेको फेला पारेपछि नष्ट गरिएको जिल्ला प्रशासन कार्यालय कंचनपुरले जनाएको छ ।