विंगर दुर्घटना हुँदा कञ्चनपुरका चार जना घाइते 

कञ्चनपुरः कञ्चनपुरमा शनिवार एउटा विंगर (भ्यान) दुर्घटना भएको छ।

जिल्लाको शुक्लाफाँटा नगरपालिका–५, वनसमितिनजिक पूर्वपश्चिम राजमार्गमा सुदूरपश्चिम प्रदेश ०२००१ ज ०४९१ नम्बरको यात्रुवाहक भ्यान (विंगर) दुर्घटना भएको हो।

विंगर (भ्यान) कैलालीको अत्तरियाबाट कञ्चनपुरको महेन्द्रनगरतर्फ जाँदै थियो। तीव्र गतिको भ्यान अनियन्त्रित भएर दुर्घटना भएको हो। भ्यानमा १० जना सवार थिए। तीमध्ये चार यात्रु सामान्य घाइते भएका छन्।