धनगढी : कञ्चनपुरमा लागुऔषधसहित पाँच जना पक्राउ परेका छन् । भीमदत्त नगरपालिका–१८ जानकी टोलबाट बैतडीको दशरथचन्द नगरपालिका–४ का २२ वर्षीय रमेश लुहार लागुऔषधसहित पक्राउ परेका हुन् ।
उनको साथबाट १ ग्राम ९० मिलिग्राम लागुऔषध बरामद गरेको प्रहरीले जनाएको छ । उनीसँगै कोठामा रहेका अन्य ४ जनालाई पनि प्रहरीले नियन्त्रणमा लिएको छ । रमेशको साथबाट लागुऔषध बरामद गरिएको, अन्य चार जना उनकै कोठामा भेटिएका तर लागुऔषध नपाइएको हुँदा उनीहरुसँग पुछताछ भइरहेको कञ्चनपुर प्रहरीले बताएको छ ।
अनुसन्धान जारी रहेकाले ती चार जनाको नाम नखुलाइएको जिल्ला प्रहरी कार्यालय कञ्चनपुरले जनाएको छ ।
प्रतिक्रिया दिनुहोस्