पुनर्वासको टाउन हस्पिटलले बाढी प्रभावितहरुको नि:शुल्क उपचार गर्ने

पुनर्वास :  कञ्चनपुरको पुनर्वास नगरपालिका-६ स्थित टाउन हस्पिटल प्रालिले बाढी प्रभावित क्षेत्रका स्थानीयको नि:शुल्क उपचार गर्ने भएको छ ।

हस्पिटलका प्रबन्धक पवन पन्तले पुनर्वासको बाढी प्राभावित क्षेत्र सिमरी, रातोताल र दशरथबस्तीका विस्थापित परिवारको नि:शुल्क स्वास्थ्य उपचार गर्ने जानकारी दिए ।

यसअघि २०७९ को बाढीका बेला पनि प्रभावित क्षेत्रका स्थानीयहरुको नि:शुल्क उपचार गरेको उनले बताए ।