धनगढी, २८ असोज । नेपाल–भारत सीमा झुलाघाटस्थित झोलुंगे पुल आंशिक रुपमा आवतजावत सुरु भएको छ । यही असोज ९ गतेबाट पुलमा मर्मतको काम जारी रहेको पुलको मर्मत कार्य जारी रहेका कारण आंशिक रुपमा आवतजावत सुरु भएको जिल्ला प्रशासन कार्यालय बैतडिले जनाएको छ ।
पुलमा आंशिक रुपमा मात्रै आवतजावत भइरहेकाले दशैंका लागि घर फर्कनेहरुलाई भने सास्ती भएको छ । पुलमा नियमित आवतजावत नहुँदा दशैंका लागि घर फर्कनेहरुलाई पुलमा सीमा नाकामा सास्ती भइरहेको बताईएको छ । झुलाघाट पुल जीर्ण भएका कारण मर्मत सम्भारको काम भइरहेको र दशैं अघि पुल मर्मतको काम नसकिने जिल्ला प्रशासन कार्यालयका सूचना अधिकारी शंकरबहादुर बोहराले बताए ।
पुल मर्मतको काम भइरहेकाले बिहान ८ बजेर ४५ मिनेटदेखि दिउँसो १ बजेर १५ मिनेटसम्म र दिउँसो २ बजेर १५ मिनेटदेखि दिउँसो ४ बजेर १५ मिनेटसम्म पुलमा आवागमन भइरहेको छ ।
प्रतिक्रिया दिनुहोस्