दाईले जस्तै स्कूल टप्ने इच्छाले एसइईमा सुदूर टपेकी नितु, कसरी भइन् सफल ? (भिडियो)

धनगढी । माध्यामिक शिक्षा परीक्षा एसइईमा सुदूरपश्चिममै अब्बल बनेकी नितु विष्टले आफ्नो मिहेनत र परिवारको सपोर्टका कारण यो नतिजा ल्याउन सफल भएको बताएकी छिन् । एसइई परीक्षामा ४.० जीपिए ल्याएर अब्बल बनेकी नितु ग्यालेक्सी मावीमा अध्ययन गरिरहेकी छिन् ।

एसइईमा अब्बल नतिजा आएपछि निकट भविष्यमा ग्यालेक्सी मावीमै साइन्स लिएर पढ्ने नितुले बताएकी छिन् । पढाईमा आफ्नो दाईले सँधै स्कुल टपेको देख्दा आफूले पनि त्यस्तै हाईहाई पाउने इच्छाले पढाईमा मिहेनत गरेको नितु बताउँछिन् । उनले आफ्नो सफलताका लागि विद्यालय, शिक्षक, अभिभावक र आफ्ना साथीभाई पनि धन्यवाद दिएकी छिन् ।