कञ्चनपुरमा एक घरमा आगलागी

कञ्चनपुर। कञ्चनपुरमा एक घरमा आगलागी भएको छ । मंगलबार दिउँसो कञ्चनपुरको भीमदत्त नगरपालिका–१८ आशिस टोलमा विजुली सर्ट भएर आगलागी भएको हो ।

कलावती सिंहको दुई कोठे खरले छाएको कच्ची घरमा बिजुलीको तार सर्ट हुन गई आगलागी भएको प्रहरीले जनाएको छ । आगलागी हुँदा दुई लाख रुपैयाँ बराबरको धनमाल नष्ट भएको छ ।आगलागीबाट घरमा रहेको चामल, दाल, पिठो, लत्ताकपडा, टि.भी, खटिया, भाडाकुडा, कागजपत्र र नौ हजार रुपैयाँ नगद क्षति भएको हो प्रहरी र स्थानीयको सहयोगमा आगो नियन्त्रणमा लिएका हुन् ।