दुर्गालक्ष्मीमा रोकिएको स्ववियु निर्वाचन प्रक्रिया अघि बढाउन सयुक्त अखिलको माग

अत्तरिया : सुदूरपश्चिम विश्वविद्यालय अन्तर्गत कैलालीको अत्तरियामा रहेको दुर्गालक्ष्मी बहुमुखी क्याम्पसको स्वतन्त्र विद्यार्थी युनियन (स्ववियु) निर्वाचन प्रक्रिया अघि बढाउने सयुक्त अखिलले माग गरेको छ ।

बुधबार क्याम्पस प्रमुखलाई ध्यानाकर्षण पत्र बुझाउदै सयुक्त अखिलमा आवद्ध विध्यार्थी सगठनहरुले सो माग गरेका हुन ।

विध्यार्थी सगठनहरुले अनावश्यक विवाद सिर्जना गरी नियोजित ढंगले निर्वाचन स्थगित गराउन खोजिएको भन्दै यथासिघ्र निर्वाचन प्रक्रिया अगाडि बढाउन भनेका छन ।

पत्रमा भनिएको छ ‘अनावश्यक विवाद सिर्जना गरी नियोजित ढंगले निर्वाचन स्थगित गर्न निर्वाचन समिति, क्याम्पस प्रशासन लगायत नेविसंघको गलत भूमिका देखिएकाले उक्त प्रक्रिया विरुद्ध हाम्रा दर्ता भएका संगठनको साझा मोर्चा सयुक्त अखिलको घोर आपत्ति रहेको छ । यथासिघ्र निर्वाचन प्रक्रिया अगाडि बढाउन अनुरोध गर्दछौ ।’

हाल क्याम्पसमा उम्मेदवारी दर्ता गरिएको भएपनि विवाद हुँदा निर्वाचन कार्यतालिका अनुसार उम्मेदवारको अन्तिम नामावली प्रकाशन हुन सकेको छैन ।