कञ्चनपुरबाट वन्यजन्तुका अखेटोपहार सहित एक महिला पक्राउ 

कञ्चनपुर : कञ्चनपुरबाट वन्यजन्तुका अखेटोपहार (अङ्ग) सहित एक जना पक्राउ परेका छन् । शुक्रवार बेलौरी नगरपालिका – ७ सिमपुरकी शान्ति चौधरीलाई वन्यजन्तुका अङ्ग सहित पक्राउ गरिएको हो ।

गोप्य सूचनाका आधारमा सुदूरपश्चिम प्रदेश प्रहरी कार्यालय धनगढी, नेपाल प्रहरी प्रदेश कार्यालय महेन्द्रनगर र इलाका प्रहरी कार्यालय बेलौरीको संयुक्त टोलीले शुक्रवार प्रमोद डगौराको घरमा खानतलासी गर्दा चितुवाको  सानो, ठुलो छाला ४ थान, जरायोको सानो, ठूलो सिंङ ४ थान, बदेलको बङ्गारा २ थान, बन्यजन्तुको सानो खुट्टा ३ थान, बन्यजन्तुको सानो बङ्गाराको टुक्राहरु ३ थान, फलामको चेन बाधेर बनाईएको फलामको पासो ३ थान, प्लास्टिकको डोरीले पासो थाप्न बनाईएको जाली ७ थानसहित प्रमोद डगौराको श्रीमती ४० वर्षीया शान्ती चौधरीलाई पक्राउ गरेको छ।

शान्तीलाई पक्राउ गरी अनुसन्धान भईरहेको र प्रमोद डगौराको खोज तलास भईरहेको सुदूरपश्चिम प्रदेश प्रहरी कार्यालय धनगढीले जनाएको छ। ।