कञ्चनपुर : कञ्चनपुरको महेन्द्रनगर बजारमा शङ्कास्पद चेकजाँचको क्रममा दुई जना लागू औषध सहित पक्राउ परेका छन्।
आइतबार साँझ भीमदत्त नगरपालिका – ४ स्थित महेन्द्रनगर बजारमा प्रहरी टोलीले शङ्का लागि चेकजाँच गर्दा भीमदत्त नगरपालिका – ७ का २८ वर्षीय सागर जोशी भीमदत्त नगरपालिका – ६ का २७ वर्षीय नीरज बहादुर चन्द पक्राउ परेका हुन ।
प्रदेश प्रहरी कार्यालय धनगढीका अनुसार जोशीको साथबाट १३० मिलिग्राम लागू औषध खैरो हेरोइन र चन्दको साथबाट ३ ग्राम ११० मिलिग्राम लागू औषध सहित पक्राउ गरिएको छ । उनीहरूलाई वडा प्रहरी कार्यालय महेन्द्रनगरबाट खटिएको प्रहरी टोलीले नियन्त्रणमा लिई थप अनुसन्धान गरिरहेको जनाइएको छ ।
प्रतिक्रिया दनुहोस्