डोटीको एक पसलमा आगलागी, ८० हजार बराबरको क्षति

धनगढी : डोटीको एक पसलमा आगलागी भएको छ । आइतबार दिउँसो करिब १ बजे सायल गाउँपालिका -४ सुन्नास्वाडामा गणेश रनेनीको विष्णु नारायण खुद्रा पसलमा आगलागी भएको हो । 

बिजुलीको स्विच सर्ट भई आगलागी भएको जिल्ला प्रहरी कार्यालय डोटीले बताएको छ । आगलागीबाट पसलभित्र रहेका लत्ताकपडा, फर्निचर, खाद्यान्न र खुद्रा किरानाका सामानहरू जलेर नष्ट हुँदा ८० हजार रुपैयाँ बराबरको क्षति भएको प्रहरीले बताएको छ । स्थानीय र प्रहरीको सहयोगमा आगलागी नियन्त्रणमा लिइएको थियो ।