काठमाडौं– कांग्रेस–एमाले सत्ता सहकार्य टुटेपछि कर्णाली र सुदूरपश्चिममा नयाँ सरकार गठनको प्रक्रिया तीव्र बनेको छ ।
कर्णालीमा मुख्यमन्त्री यामलाल कँडेलविरुद्ध अविश्वास प्रस्ताव दर्ता भएको छ भने सुदूरपश्चिममा एमालेले सरकारबाट समर्थन फिर्ता लिएपछि नयाँ समीकरणको खोजी सुरु भएको छ ।
नेकपाले कांग्रेस र एमाले दुवैसँग समानान्तर छलफल गरिरहेको भए पनि अन्तिम निर्णय भएको छैन ।
एमाले वामपन्थी सहकार्यको पक्षमा देखिएको छ भने कांग्रेस तीन दलको संयुक्त सरकारको विपक्षमा छ ।
प्रदेश सरकारको नेतृत्व र सत्ता सहकार्यको अन्तिम मोडालिटी भने श्रीलंकाबाट २ साउनमा फर्किने पार्टी संयोजक पुष्पकमल दाहाल ‘प्रचण्ड’को उपस्थितिपछि मात्रै टुंगिने नेताहरूको भनाइ छ ।
यसका लागि एमाले अध्यक्ष केपी शर्मा ओलीले प्रचण्डलाई फकाउन दोस्रो वरियताका नेताहरूबीच संवाद अघि बढाएका छन् ।
प्रतिक्रिया दिनुहोस्