काठमाडौं– राष्ट्रिय स्वतन्त्र पार्टी (रास्वपा)को पहिलो महाधिवेशनमा सभापति पदमा सहमति हुने र अन्य पदमा भने निर्वाचन हुन सक्ने संकेत देखिएको छ ।
पार्टीका नेताहरूका अनुसार सभापति रवि लामिछानेको विकल्प नरहेको भन्दै उनलाई सर्वसम्मत रूपमा चयन गर्ने तयारी छ ।
यद्यपि, केन्द्रीय सदस्य तथा केही पदाधिकारी पदमा प्रतिस्पर्धा हुन सक्ने सम्भावना रहेको नेताहरू बताउँछन् ।
लामिछानेले भने महाधिवेशनलाई एकता र सहमतिको सन्देश दिने अवसरका रूपमा उपयोग गर्नुपर्ने धारणा राखेका छन् ।
हालैको सचिवालय बैठकमा उनले विभिन्न पक्ष र समूहलाई समेट्दै संगठनलाई थप एकताबद्ध बनाउने गरी नेतृत्व चयन गर्नुपर्नेमा जोड दिएका थिए ।
चुनावअघि पार्टीमा जोडिएका विभिन्न समूहलाई समेट्नुपर्ने भएकाले पनि सहमतिमार्फत नेतृत्व चयन गर्नुपर्ने दबाब रहेको नेताहरूको भनाइ छ ।
प्रतिक्रिया दिनुहोस्