काठमाडौं । नेकपा एमालेका अध्यक्ष केपी शर्मा ओलीले प्रधानमन्त्री वालेन्द्र शाहले सदनमा देशद्रोही अभिव्यक्ति दिएको बताएका छन् ।
नेपालले भारतको एक इन्च पनि जमिन नमिचेको ओलीको दाबी छ । उनले कसका लागि सदनमा गएर नेपालले भारतको जमिन मिचेको छ भनेर बोलेको भन्दै प्रश्न समेत गरे ।
यस्ता गतिविधि केका लागि र कसका लागि गरेको भन्दै प्रश्न गर्नुपर्नेमा उनको जोड छ । नेकपा एमालेको दुई दिने राष्ट्रिय कार्यशालाको उद्घाटन सत्रलाई सम्बोधन गर्दै ओलीले प्रतिपक्षी दलले प्रधानमन्त्रीको देशद्रोही अभिव्यक्तिविरुद्ध आवाज सदनमा उठाएको बताए ।
प्रधानमन्त्रीको अभिव्यक्तिविरुद्ध आवाज उठाउने सांसदलाई धन्यवाद भन्दै उनले सभामुखको भूमिकाप्रति पनि प्रश्न उठाए ।
देशको विपक्षमा बोल्नेविरुद्ध प्रश्न गर्दा कारबाही गर्छु भन्ने सभामुखको भूमिकामाथि पनि उनले प्रश्न गर्दै भने, “गर्नुस्– गर्नुस् देशको पक्षमा बोल्ने सांसद्लाई कारबाही गर्नुस्, के–के गर्न सक्नुहुन्छ, गर्नुस् ।”
प्रतिक्रिया दिनुहोस्