काठमाडौं । नेपाली कांग्रेसका सभापति गगनकुमार थापाले निवर्तमान कार्यवाहक सभापति पूर्णबहादुर खड्कासँग भेटवार्ता गर्ने भएका छन् ।
एक नेताका अनुसार सोमबार बसेको कार्यसम्पादन समितिको बैठकमा थापाले मंगलबार देउवा र शेखर पक्षसँग छुट्टाछुट्टै छलफल गर्न लागेको ब्रिफिङ गरेका थिए ।
देउवा पक्षका नेता मीन विश्वकर्माले खड्कासँग महाराजगञ्जस्थित निवासमा बेलुका भेट्ने समय तय भएको जानकारी दिए । आधिकारिकता पाएको पक्षले एकताका लागि पहल गर्नुपर्ने उनको भनाइ छ ।
देउवा पक्षले पार्टी एकताका लागि विभिन्न सर्त अघि सारेको छ । केही दिनअघि धुम्बाराहीस्थित एक होटलमा खड्काको संयोजनमा बसेको भेलामा सर्त अघि सारिएको थियो ।
देउवा पक्षले पार्टी एकताका लागि संस्थापन पक्षसँग प्रस्ताव समेत माग गरेको छ ।
प्रतिक्रिया दिनुहोस्