दीपक भट्टलाई अदालतमा उपस्थित गराउन सर्वोच्चको आदेश

काठमाडौं- व्यवसायी दीपक भट्टलाई उपस्थित गराउन सर्वोच्च अदालतले सोमबार आदेश दिएको छ।

सर्वोच्च अदालतका न्यायाधीश अब्दुल अजिज मुसलमानको एकल इजलासले भट्टलाई बन्दीसहित उपस्थित गराउन आदेश दिएको हो ।

सरकारले भट्टलाई सम्पत्ति शुद्धीकरणसहितका अभियोगमा पक्राउ गरेपछि श्रीमती आयुष्मा नेपालले बन्दी प्रत्यक्षीकरणको रिट दायर गरेकी थिइन्।

उक्त रिटमा सुनुवाइ गर्दै सर्वोच्चले विपक्षीको नाममा कारण देखाऊ आदेश जारी गरेको हो । यो आदेशसँगै बन्दीलाई समेत उपस्थित गराउन सर्वोच्चले आदेश दिएको हो ।