नेपालको सार्वजनिक ऋण २९ खर्ब नाघ्यो, प्रत्येक नेपालीको भागमा १ लाख ५ सयबढी ऋण !

काठमाडौँ । नेपालको सार्वजनिक ऋण २९ खर्ब नाघेको छ । चालु आर्थिक वर्षको चैतसम्ममा सरकारको तिर्न बाँकी ऋण २९ खर्ब ३३ अर्ब ७९ करोड ४६ लाख पुगेको हो ।

जसमध्ये आन्तरिक ऋण हिस्सा १३ खर्ब ८८ अर्ब ११ करोड र वाह्य ऋण १५ खर्ब ४५ अर्ब ६७ करोड रुपैयाँ बराबर छ । सरकारले पछिल्लो ९ महिना अर्थात् साउनदेखि चैतसम्मको अवधिमा मात्रै ३ खर्ब ४८ अर्ब १५ करोड बराबर ऋण लिएको छ ।

HIGHLIGHTSयोसँगै प्रत्यक नेपालीको भागमा १ लाख ५ सय ९४ रुपैयाँ सार्वजनिक ऋण पुगेको छ ।

नेपालको कुल सार्वजनिक ऋणमा वैदेशिक ऋण हिस्सा ५२.६९ प्रतिशत र आन्तरिक ऋण हिस्सा ४७.३१ प्रतिशत रहेको सार्वजनिक ऋण व्यवस्थापन कार्यालयको तथ्यांकले देखाएको छ ।

योसँगै प्रत्यक नेपालीको भागमा १ लाख ५ सय ९४ रुपैयाँ सार्वजनिक ऋण पुगेको छ । यो तथ्यांक कुल सार्वजनिक ऋणलाई नेपालको जनसंख्याले भाग गरेर निकालिएको हो ।