पत्रकारलाई सभामुख अर्यालले भने– मेरो गल्ती भए सुझाव दिनुहोस्, म तुरुन्तै माफी माग्न सक्छु

प्रतिनिधिसभाका सभामुख डोलप्रसाद अर्यालले संसदीय रिपोर्टिङ गर्ने पत्रकारहरूलाई आफ्ना गल्ती कमजोरीहरू औँल्याइदिन अनुरोध गरेका छन् । शुक्रबार आयोजित संसदीय रिपोर्टिङ गर्ने पत्रकारसँग अन्तरक्रिया कार्यक्रममा सभामुख अर्यालले सो अनुरोध गरेका हुन् ।

‘मेरो गल्ती भए सुझाव दिनुहोस्, म तुरुन्तै माफी माग्न सक्छु । तर, त्यस गल्तीमा नखेल्दिनुहोला’, उनले भने, ‘अहिले मलाई घाटा होला, तर कालान्तरमा संस्थालाई घाटा हुन्छ । मेरो मतलब विषय लुकाइदिनुस् भन्ने होइन, तर विषय पस्कँदा अलि विचार गर्दिनुहोला ।’

उनले सभामुख पद आफ्ना लागि नयाँ भएको र सिक्नुपर्ने कुरा धेरै बाँकी रहेको स्षप्ट पारे ।