कैलाली : कैलाली र कञ्चनपुरबाट ५ जना फरार प्रतिवादी पक्राउ परेका छन् । प्रहरीले शनिवार २८ वर्ष अघि नै ५० रुपैयाँ जरिवाना तोकिएका सहित ५ जनालाई पक्राउ गरेको हो ।
प्रहरीले जिल्ला अदालत कञ्चनपुरबाट २०५३ असार २० गते सार्वजनिक अपराधमा ५० रुपैयाँ जरिवाना तोकेका कञ्चनपुरको तत्कालीन दोधारा – २ का वीर सिंह नेपालीलाई शनिवार पक्राउ गरेको छ ।
यस्तै २०६६ कार्तिक ३ गते लागू औषध चरेस सम्बन्धी मुद्दामा २ हजार जरिवाना तोकिई फरार रहेका तत्कालीन चाँदनी – ७ का मान बहादुर चन्द, २०४९ वैशाख ३० अंशबन्डा सम्बन्धी मुद्दामा ६४८ रुपैयाँ २५ पैसा जरिवाना तोकिएका चाँदनी – ८ बस्ने गोपाल सुनार सोही मितिमा अंशबन्डा सम्बन्धी मुद्दामै ६४८ रुपैयाँ २५ पैसा जरिवाना तोकिएका चाँदनी – ८ का गौरी राम सुनारलाई पक्राउ गरेको छ ।
दोधरा चाँदनी क्षेत्रबाट पक्राउ परेका चारै जनालाई पक्राउ गरी जिल्ला अदालत कञ्चनपुरमा पेस गरिएको प्रदेश प्रहरी कार्यालय धनगढीले जनाएको छ ।
यसैबिच कैलालीबाट बादी फौजदारी विविध मुद्दामा १५ हजार रुपैयाँ जरिवाना तोकी फरार रहेका धनगढी उपमहानगरपालिका – १३ का ४१ वर्षीय मोहन साउदलाई पनि प्रहरी कार्यालय कैलालीबाट खटिएको प्रहरी टोलीले शनिवार पक्राउ गरी जिल्ला अदालत कैलालीमा पेस गरेको जनाएको छ ।
प्रतिक्रिया दिनुहोस्