धनगढीमा युवक सुत्ने कोठामै मृत भेटिए !

धनगढी : धनगढीमा एक युवक सुुत्ने कोठामा मृत भेटिएका छन् । धनगढी उपमहानगरपालिकाको शिवनगरका २५ वर्षीय प्रदीन सिंह बुधबार राति आफू सुत्ने कोठामा मृत भेटिएको जिल्ला प्रहरी कार्यालयले जनाएको छ ।

जिप्रकाका प्रवक्ता प्रहरी नायब उपरीक्षक कबिन्द्रसिंह बोहराले उनी घरको सुुत्ने कोठामा पंखामा डोरीले झुन्डिएको अवस्थामा भेटिएको बताए । उनको शव परीक्षणका लागि सेती प्रादेशिक अस्पतालमा राखिएको छ । घटनाबारे अनुसन्धान जारी छ ।