काठमाण्डौँ । छोरा समिरका कारण अनपेक्षित सफलता हात पारेका अभिनेता विराज भट्टले समिरका लागि साढें ३ करोड पर्ने ल्यान्ड क्रूजर गाडी किनिदिएका छन ।
शुक्रबार दिउँसो चावहिल सुकेधारामा रहेका टोयोटाको सोरुम पुगेर विराजले २०२४ मोडेलको Toyota Land Cruiser 250 Prado गाडी रिसिभ गरेका हुन । नेपालमा टोयोटा ल्यान्ड क्रूजर २५० (प्राडो) को मूल्य रु. ३ करोड ३२ लाख देखि ३ करोड २७० लाख सम्म पर्छ । यो ७ सिटे गाडी हो र दुई मोडलमा उपलब्ध छ – (अल राउण्डर र लक्जरी) ।
बुझिए अनुसार विराजले ३ करोड ३२ लाख पर्ने गाडी छोरा समिरका लागि उपहार स्वरुप किनिदिएका हुन । विराजले छोरालाई डेब्यू गराएको फिल्म १२ गाउँले गत दशैँमा घरेलु बक्स अफिसमा करिब २० करोडको हाराहारीमा बल्कबष्टर व्यापार गरेको थियो ।
फिल्मको डिमान्ड अत्याधिक भएपछि विदेशको रिलिजबाट पनि विराजलाई ठूलै नाफा भईदियो तसर्थ सम्पूर्ण खर्च कटाएर पनि विराजको पोल्टामा न्यूनतम करिब १० करोड पुग्न सफल भएको बताईन्छ । बुझिए अनुसार विराजले विराटनगरमा सुटिङ भईरहेको छोरा समिरको दोश्रो फिल्म बलिदानको सेटमै पुगेर समिरलाई गाडी उपहार स्वरुप हस्तान्तरण गर्नेछन ।
प्रतिक्रिया दनुहोस्