कञ्चनपुर । कञ्चनपुरको महेन्द्रनगरबाट ३ जना बेबारिसे व्यक्तिको उद्दार गरिएको छ । कल २४ न्युजको सम्पर्कमा आएका महेन्द्रनगरका ३ जना बेबारिसे व्यक्तिको उद्दार गरिएको हो ।
केही दिन अघि कैलालीको गेटामा बेबारिसे भेटिएका उत्तम रावलको उद्धार गरेको भिडियो कल २४ न्युजले सार्वजनिक गरेपछि विभिन्न व्यक्तिले गरेको खबरका आधारमा मंगलबार महेन्द्रनगरबाट सडकमा बेबारिसे भेटिएका तीन जना व्यक्तिको उद्धार गरिएको हो ।
उनीहरुलाई कल २४ न्युजको टिम, दृष्टि फाउन्डेसनकी सञ्चालक कल्पना भट्टको संयुक्त पहलमा उद्धार गरेर बर्दगोरियाको साहरा घरमा पठाइएको छ ।
महेन्द्रनगरमा विभिन्न व्यक्ति बेबारिसे अवस्थामा रहेको भन्ने सूचनाका आधारमा उनीहरुको उद्धार गरिएको हो । बेबारिसे व्यक्तिको उद्धारका लागि साहरा घरका सञ्चालक बल बहादुर विष्टले साहरा घरकै एम्बुलेन्स पठाएका थिए ।
उनीहरुलाई नेपाल प्रहरी, कल २४ न्युजको टिम, साहरा घर र दृष्टि फाउन्डेसनकी सञ्चालक कल्पना भट्टको सहयोगमा राती ९ बजे उद्धार गरिएको छ ।
प्रतिक्रिया दनुहोस्