धनगढी । कल २४ न्युजको निरन्तरको खबरदारी र फलोअपपछि अन्तत: धनगढी बसपार्क सफा भएको छ । जताततै फोहोरले भरिएको कुरुप बनेको बसपार्क अहिले भने सफा र सुन्दर बनेको हो ।
कल २४ न्युजको समाचारपछि धनगढी उपमहानगरपालिकाले काटेको पत्र र हाम्रो फलोअपपछि बसपार्क संचालन तथा सरसफाईको जिम्मा पाएको एनके कन्स्ट्रक्सनले बसपार्क क्षेत्र सफा गरेको हो ।
हाल बसपार्क क्षेत्रमा जथाभावी फालिएका फोहोरहरु सबै सफा गरिएको छ भने सार्वजनिक शौचालय पनि प्रयोग गर्न योग्य बनाइएको छ ।
यस्तै खानेपानीका धारा पनि मर्मत गर्नुका साथै ठाउँठाउँमा फोहोर फाल्नका लागि डस्ट्बिन पनि राखिएका छन् ।
योसंगै बसपार्क क्षेत्र सफा हुनुका साथै बसपार्कमा सेवा लिन पुग्नेहरुलाई पनि निकै सहज भएको सेवाग्राहीहरुले बताएका छन् । बसपार्कको सरसफाईले यसरि नै निरन्तरता पाए आगामी दिनमा बसपार्क थप सुन्दर हुनुका साथै सेवा पनि थप प्रभावकारी हुने विश्वास गरिएको छ । थप फोटोहरुमा हेर्नुहोस:
प्रतिक्रिया दिनुहोस्