‘सफा धनगढी’को सपनालाई गिज्याईरहेको बसपार्कको फोहोर… (फोटो फिचर)

कैलाली । धनगढी दिनप्रतिदिन सफा हुँदैछ । घरघरबाट निस्किने फोहोर व्यवस्थित हुँदैछ । हरेक दिन डुंगडुंग गन्हाउने चोक आजभोली सफा भएका छन् ।

तर, धनगढीको मुटुमा रहेको बसपार्कको फोहोरले भने फोहोरमुक्त धनगढीको सपनालाई गिज्याईरहेको छ ।

यसै पनि बसपार्क क्षेत्र विगतदेखि नै अन्य क्षेत्रको तुलनामा बढी फोहोर हुने क्षेत्र हो । तर, फोहोरमुक्त धनगढी बनाउने अभियानमा अन्य क्षेत्र सफा हुँदै गर्दा बसपार्क भने झनै फोहोर हुँदै गएपछि सफा धनगढीको सपनामा बसपार्कको फोहोर बाधक बनेको छ ।

यतिमात्र होइन, बसपार्कमा निर्माण भएका सार्वजनिक शौचालय र धाराको हालत पनि बिजोग छ । यही कारण बाहिरी जिल्लाबाट आउने नगारिकहरु पनि मर्कामा पर्ने गरेका छन् ।

अर्कोतिर ‘हाम्रो धनगढी, हामी बनाउछौँ’ अभियान अन्तर्गत फोहोरमुक्त धनगढी बनाउने कार्यक्रम नै सञ्चालन भइरहेको बेला आगन्तुक ओर्लिने ठाउँ नै फोहोर भएपछि त्यसले बाहिर के सन्देश जाला ? भन्ने चिन्ता पनि थपिएको छ । यसतर्फ नगरपालिका, स्थानीय र यातायात व्यवसायी सचेत बन्न आवश्यक छ ।

तस्वीरमा हर्नुहोस् बसपार्कमा देखिएको अस्तव्यस्त फोहोरः