धनगढी : मर्जर प्रस्ताव पारित गर्न जाल्पा सामुदायिक र किसान लघुवित्तले चैत ९ गते साधारणसभा बोलाएका छन् ।
जाल्पा सामुदायिकको साधारण सभा दी एसआर होटल तिलोत्तमा रुपन्देहीमा बिहान ९ बजेदेखि सुरु हुनेछ भने किसान लघुवित्तको सभा ताज प्यालेस, स्पेसियल चोक गल्फुटार, काठमाडौंमा बिहान ११ बजेबाट सुरु हुनेछ ।
यी दुवै कम्पनीले गत आर्थिक वर्ष २०७९/८० को नाफाबाट लाभांश वितरण नगर्ने जनाएका छन् ।
किसान लघुवित्त र जाल्पा सामुदायिक लघुवित्त एकआपसमा गाभिने सम्बन्धमा अध्यक्षले प्रतिवेदन प्रस्तुत गर्ने र त्यसमाथि छलफल गर्ने एजेन्डा छ । त्यस्तै, दुवै कम्पनीको सभाले एक आपसमा १ बराबर ०.८८३४ शेयर स्वाप अनुपातमा मर्ज हुने विशेष प्रस्ताव पारित गर्नेछ ।
सभा प्रयोजनार्थ जाल्पाले फागुन २४ गते र किसानले चैत १ गते बुक क्लोज गर्ने भएका छन् ।
प्रतिक्रिया दिनुहोस्