नेपाल राष्ट्र बैङ्कले कात्तिकको सुरुदेखि नोट सटही गर्ने

काठमाण्डौ, १६ असोज । नेपाल राष्ट्र बैङ्कले कात्तिकको सुरुदेखि नोट सटही गर्ने भएको छ । राष्ट्र बैङ्कका मुद्रा व्यवस्थापन विभागका निर्देशक वासुदेव भट्टराईका अनुसार दसैँ, तिहार, छठजस्ता चाडपर्वका लागि कात्तिकको सुरुबाट नै नोट सटही गर्न लागीएको हो ।

गत वर्षजस्तै सर्वसाधारणले यो वर्ष पनि प्रतिव्यक्ति १८ हजार पाँचसय रुपियाँसम्मका नयाँ नोट साट्न पाउनेछन् । पाँचदेखि एकसय रुपियाँसम्मको एक–एक वटा बन्डल हो। बैङ्कले ५, १०, २०, ५० र १०० दरका नयाँ नोट सटही गर्ने भएको छ ।