धनगढी । एभरेष्ट बैंकले जेसीज माध्यामिक विद्यालयलाई डस्टबिन सहयोग गरेको छ । आइतबार बैंकले सामाजिक उत्तरदायित्व वहन गर्दै विद्यालयलाई डस्टबिन सहयोग गरेको हो ।
बैंकका तर्फबाट उपमहाप्रबन्धक केशब राज पौडेलले जेसीज एभरेष्ट माध्यमिक विद्यालय व्यवस्थापन समितिका अध्यक्ष प्रा.डा. हेमराज पन्त र कार्यकारी निर्देशक करुणाकर पाण्डेयलाई ४२ थान डष्टवीन हस्तान्तरण गरेका हुन् ।
विद्यालयलाई डस्टबिन हस्तान्तरण गर्दै बैंकका उपमहाप्रबन्धक पौडेलले प्रर्यावरणीय संरक्षणका लागि विद्यालयलाई डस्टबिन सहयोग गर्न पाउँदा खुसी लागेको बताएका छन् । बैंकद्धारा विभिन्न समयमा विभिन्न क्षेत्रमा सामाजिक उत्तरदायित्व अन्तर्गत कार्यक्रम गर्दै आएको बताउँदै पौडेलले सोही कार्यक्रम अन्तर्गत विद्यालयलाई डस्टबिन सहयोग गरेको उल्लेख गरेका छन् ।
त्यस्तै डस्टबिन सहयोग गरेको भन्दै विद्यालय व्यवस्थापन समितिका अध्यक्ष प्रा.डा. हेमराज पन्तले बैंकलाई धन्यवाद दिएका छन् ।
प्रतिक्रिया दिनुहोस्