प्रतिपक्षको बेन्चमा एक्ली विष्टलाई बसाएर रातारात सुदूरपश्चिम प्रदेशको बजेट पारित

धनगढी । सुदूरपश्चिम प्रदेशको बजेट पारित भएको छ । प्रदेश सरकारले आगामी आर्थिक वर्ष २०८०/०८१ का लागी व्यवस्था गर्न सभामा प्रस्तुत गरेको बजेट शनिबार राती पारित भएको हो ।

प्रदेश सरकारले प्रमुख प्रतिपक्षि दल नेकपा एमाले र स्वतन्त्र सांसदको अनुपस्थितिमै बजेट पारित गरेको हो । सभामा प्रतिपक्षको बेन्चमा राप्रपाकी खेमादेवी विष्ट देखिएकी थिइन् ।

आर्थिक मामिला मन्त्री नरेश कुमार शाहीले सभामा प्रस्तुत गरेको बजेटमा सत्तापक्ष दल काँग्रेस, नेकपा एस र माओवादी गरी ३९ सांसद पक्षमा देखिएको थिए भने विपक्षमा प्रतिपक्ष दल राप्रपाकी विष्ट मात्रै देखिएकी थिइन् ।