धनगढी । सुदूरपश्चिमको गौरवको योजनाका रुपमा रहेको गेटा मेडिकल कलेज सहिद दशरथचन्द स्वास्थ्य विज्ञान प्रतिष्ठानका रुपमा सञ्चालन हुने भएको छ ।
सोमबार आगामी आर्थिक वर्ष २०८०÷८१ को लागि बजेट प्रस्तुत गर्दै अर्थमन्त्री डा. प्रकाशशरण महतले गेटा मेडिकल कलेजलाई सहिद दशरथचन्द स्वास्थ्य विज्ञान प्रतिष्ठानको रुपमा विकास गरिने बताएका हुन् ।
कैलालीको गेटास्थित गेटा मेडिकल कलेजलाई यसअघि सरकारले सहिद दशरथचन्द राष्ट्रिय स्वास्थ्य विज्ञान विश्वविद्यालयको प्रारुपमा सञ्चालन गर्ने निर्णय गरेको थियो । तर आगामी आर्थिक वर्षको बजेट सार्वजनि गर्दै गेटा मेडिकल कलेजलाई सहिद दशरथचन्द स्वास्थ्य विज्ञान प्रतिष्ठानका रुपमा सञ्चालन गर्ने घोषणा गरेको हो ।
प्रतिक्रिया दिनुहोस्