स्ववियु चुनावकाे मिति तत्काल घोषणा नगरे आन्दोलन गर्न बाध्य हुन्छौँ : अनेरास्ववियु

काठमाडौं – नेकपा एमालेको विद्यार्थी संगठन अनेरास्ववियुले स्वतन्त्र विद्यार्थी युनियन (स्ववियु) चुनावकाे मिति तत्काल घोषणा गर्न त्रिभुवन विश्वविद्यालयलाई आग्रह गरेको छ ।

अध्यक्ष सुनिता बरालसहितकाे टाेलीले मंगलबार त्रिविका उपकुलपति धर्मकान्त बाँस्कोटालाई ज्ञापनपत्र बुझाउँदै तत्काल स्ववियु चुनावको मिति घोषणा गर्न माग गरेको हो । फागुन १४ मा स्ववियु चुनाव सम्पन्न गर्न र अविलम्ब चुनावकाे कार्यतालिका सार्वजनिक गर्न अनेरास्वियुले त्रिविलाई आग्रह गरेकाे छ ।

कुनै पनि बहानामा स्ववियु चुनाव नगराउने छुट त्रिविलाई नभएकाे ज्ञापनपत्रमा उल्लेख छ । तत्काल स्ववियु चुनावकाे मिति घाेषणा नभए आफूहरु आन्दाेलन गर्न वाध्य हुने अनेरास्ववियुकाे चेतावनी छ ।