बाजुरामा कांग्रेसका पाण्डे ३ हजार ८ सय बढी मतान्तरले अघि

काठमाडौँ – बाजुरामा नेपाली कांग्रेसका सह-महामन्त्री बद्री पाण्डेले ३ हजार ८ सय ८७ मतसहितको अग्रता लिएका छन्। पाण्डेले १७ हजार ४० मत ल्याएका छन् भने एमालेका कर्णबहादुर थापाले १३ हजार १ सय ५३ मत ल्याएका छन्।

पाण्डे ३ हजार ८ सय ८७ मतान्तरले थापाभन्दा अघि छन्। मतदानका क्रममा विवादपछि कांग्रेस कार्यकर्ताको कुटपिटबाट एमालेका कार्यकर्ता चेतन अयडीको निधन भएको थियो। अयडीको निधनपछि बाजुरामा मतगणना रोकिएको थियो। निर्वाचन आयोगले पुन: मतदान नगर्ने निर्णय गरेपछि बाजुरामा बिहीबारदेखि मतगणना सुरू भएको हो।