सोधपुछका लागि प्रहरी चौकी पुगे अभिनेता अल्लु अर्जुन

नयाँ दिल्ली । दक्षिण भारतीय फिल्म स्टार अल्लु अर्जुन मंगलबार हैदराबादको चिक्कडपल्ली प्रहरी चौकी पुगेका छन् । सन्ध्या थिएटरमा उनको फिल्मको विशेष शोको समयमा भएको भागदौड र महिलाको मृत्यु सम्बन्धमा हैदरावाद प्रहरीले उनलाई सोधपुछका लागि बोलाएको हो । 

यसै मामिलालाई लिएर अल्लु अर्जुनको घर बाहिर तोडफोड भएपछि पनि उनको घरमा सुरक्षा बढाइएको छ । प्रदर्शनकारी आइतबार उनको घरबाहिर पुगेका थिए ।

उनको घर बाहिर राखिएको गमला र अन्य सामान तोडफोड गरिएको थियो । यस घटनाको तेलंगानाका मुख्यमन्त्री रेवन्त रेड्डीले निन्दा गरेका छन् ।