कञ्चनपुरमा लागुऔषध लुकाएका एक जना पक्राउ

धनगढी : कञ्चनपुरमा घरभित्र लागुऔषध लुकाएका एक जना पक्राउ परेका छन् । पक्राउ पर्नेमा भीमदत्त नगरपालिका-४ गोबरियाका ३१ वर्षका रविसिंह भाट रहेका छन् ।

उनलाई मंगलबार बेलुका जिल्ला प्रहरी कार्यालय कञ्चनपुरबाट खटिएको प्रहरी टोलीले घरमा टिनको दराजभित्र लुकाई छिपाई राखेको अवस्थामा रेक्सोजेसिक एम्पुल ६० थान फेला पारी नियन्त्रणमा लिएको जनाएको छ । प्रहरीले उनीमाथि थप अनुसन्धान भइरहेको जनाएको छ ।