धनगढी : कैलाली र कञ्चनपुरबाट अबैंध रुपमा भारतबाट भन्सार छली ल्याएका सामान बरामद गरेको छ । धनगढी उपमहानगरपालिका ३ ट्राफिक चौहारा, धनगढी उपमहानगरपालिका ४ बसपार्क र टीकापुर नगरपालिकाको बालुवाटारबाट अबैंध रुपमा भारतबाट भन्सार छली ल्याएका १ लाख ३० हजार २० रुपैयाँ बराबरका भन्सार छलीका सामान बरामद गरिएको छ ।
जसमा चिनी, नरिवल, बिडी, सुर्ती, खानेतेल, चक्लेट, पेन्ट, हेलोजन लाईट बल्ब, चेन स्पाकेट, प्लाष्टिक झिल्ली लगायतका सामानहरु रहेको प्रहरीले जनाएको छ ।
यस्तै प्रदेश प्रहरी कार्यालय धनगढीका अनुसार कञ्चनपुरको भीमदत्त नगरपालिका १७ मझगाँउ र बेलौरी नगरपालिका १ फटैयाबाट अबैंध रुपमा भारतबाट भन्सार छली ल्याएका ३८ हजार ९६० रुपैयाँ बराबरका भन्सार छलीका समान बरामद गरिएको छ । जसमा पेय पदार्थ, मोबिल, सुटपिस, लुकिङ ग्लास, ईन्जनमा हाल्ने तेल, बोईलर कुखुरा लगायतका सामानहरु रहेको जनाएको छ ।
प्रतिक्रिया दिनुहोस्