अभिनेता गोविन्दाको खुट्टामा लाग्यो गोली

काठमाडौँ : बलिउड अभिनेता गोविन्दाको खुट्टामा गोली लागेको छ । मंगलबार गोली लागेर घाइते भएका उनलाई उपचारका लागि अस्पताल लगिएको छ ।

भारतीय सञ्चारमाध्यमका अनुसार उनको खुट्टामा गोली लागेको हो । गोली लागेपछि उनलाई एक अस्पतालमा भर्ना गरिएको छ । यो घटना मंगलबार बिहान ५ बजेको हो । गोविन्दा बिहान कोलकाता जाँदै गर्दा यो दुर्घटना भएको थियो ।

उनले आफ्नो लाइसेन्स प्राप्त रिभल्भर सफा गर्दै गर्दा अचानक बन्दुक हातबाट खस्यो र फायर भएको बताइएको छ । हाल गोविन्दाको अवस्था सामान्य रहेको बताइएको छ।