धनगढी : कञ्चनपुरको बेलौरीबाट लागुऔषध खैरो हिरोइनसहित एक भारतीयलाई प्रहरीले पक्राउ गरेको छ । सोमबार बिहान इलाका प्रहरी कार्यालय बेलडाँडीबाट खटिएको प्रहरी टोलीले ३ दशमलव ३५ मिलिग्राम लागुऔषध खैरो हिरोइनसहित भारतीय नगरिकलाई पक्राउ गरेको हो ।
बेलौरी नगरपालिका(१० सडकघाट पिपलचौतारामा भारतबाट नेपालतर्फ मोटरसाइकलमा आउँदै गरेका भारत जिल्ला पिलिभित हजाराथाना टिला नं ४ बस्ने अन्दाजी ३३ वर्षीय गुड्डुलाई पक्राउ गरेको इलाका प्रहरी कार्यालय बेलडाँडीका प्रहरी निरीक्षक दिपेन्द्र चन्दले बताए ।
मोटरसाइकल अगाडिको इन्डिकेडटर (लाईट) भित्र सेतो प्लाष्टिकको सानो झिल्लिमा लुकाई राखिएको अवस्थामा लागुऔषध फेला पारेको प्रहरीले जनाएको छ ।
पक्राउ परेका गुड्डु बेलौरी(१० स्थित महाकाली सुगर मिलमा काम गर्ने गरेको बताइएको छ । गुड्डुमाथि थप अनुसन्धान भइरहेको प्रहरी निरीक्षक चन्दले बताए ।
प्रतिक्रिया दिनुहोस्