धनगढी । धनगढीको डिस्करभरी इंग्लिस बोर्डिङ स्कुलले हाजिरीजवाफ प्रतियोगिता आयोजना गर्ने भएको । धनगढी-८ कान्तिपुर टोलमा रहेको उक्त स्कुलले नगरपालिका स्तरीय हाजिरीजवाफ कार्यक्रम गर्न लागेको हो ।
स्कुलका अनुसार प्रतियोगिता भदौ २९ गते बाल दिवसको दिन आयोजना हुनेछ ।
६०औँ राष्ट्रिय बाल दिवसको अवसरमा ‘बालबालिकामा लगानीः सुनिश्चित भविष्यको थालनी’ भन्ने राष्ट्रिय नारासहित आयोजना हुन लागेको उक्त हाजिरीजवाफ प्रतियोगितामा कक्षा ६ देखि १० सम्मका विद्यार्थीले सहभागिता जनाउन पाउनेछन् । हाजिरीजवाफमा सहभागी हुने विद्यालयले सहभागी टिममा २ जना छात्रा अनिवार्य राख्नुपर्नेछ ।
आयोजकका अनुसार प्रतियोगितामा प्रथम हुने विद्यालयले ११ हजार १ सय ११ रुपैयाँ, द्वितीय हुने विद्यालयले ८ हजार १ सय ११ रुपैयाँ र तृतीय हुने विद्यालयले ५ हजार १ सय ११ रुपैयाँ पुरस्कार पाउनेछन् ।
प्रतियोगितामा सहभागी हुनका लागि धनगढी उपमहानगरपालिकाभित्र रहेका माध्यामिक विद्यालयहरुले २७ गते दिउँसो ४ बजेभित्र रजिष्ट्रेसन गरिसक्नुपर्नेछ ।
प्रतिक्रिया दिनुहोस्