धनगढी, २९ साउन । डोटीमा १ सय ५५ लिटर अवैध घरेलु मदिरा बरामद गरीएको छ । आईतबार प्रहरीले जिल्लाको बडीकेदार गाउँपालिका वडा नम्बर ४ बागछेडा बाट १ सय ५५ लिटर अवैध घरेलु मदिरा बरामद गरी नष्ट गरेको हो ।
गोप्य सूचनाका आधारमा खटिएको प्रहरी टोलीले खानतलासी गर्दा बागछेडा बजार आसपासका क्षेत्रहरूमा अवैध रूपमा बिक्री वितरण गर्न राखिएको मदिरा बनाउन प्रयोग गरिने भाँडाकुँडा र कच्चा पदार्थ समेत बरामद गरिएको प्रहरी चौकी खँड्यौलीका इन्चार्ज भास्कर दत्त पन्तले जानकारी दिए ।
प्रहरी चौकी खँड्यौलीका अनुसार बरामद गरिएको मदिरा गाउँपालिकाका जनप्रतिनिधि, व्यापारी, स्थानीय, पत्रकारको रोहबरमा आइतबार नष्ट गरिएको थियो ।
प्रतिक्रिया दिनुहोस्