कञ्चनपुरमा लागूऔषधसहित तीन युवक पक्राउ

कञ्चनपुर: कञ्चनपुरमा लागूऔषधसहित तीन युवक पक्राउ परेका छन् ।

आइतबार राति भीमदत्त नगरपालिका–११ गड्डाचौकीस्थित नेपाल–भारत सीमा पिलर नं. ७ नजिकबाट भीमदत्त नगरपालिका–५ सुकासालका २१ वर्षीय सौरव पहरी, सोही ठाउँका २० वर्षीय सुरज राना र २१ वर्षीय हरिश दमाइ खैरो हेरोइन र चरेश सहित पक्राउ परेका हुन् ।

उनीहरुको साथबाट ०.५१ ग्राम चरेश, ०.६० ग्राम खैरो हेरोइन र एकथान मोबाइल बरामद गरिएको जिल्ला प्रहरी कार्यालयले जनाएको छ ।