बैतडी: बैतडीमा एक लाखबढीका सामान बेवारिसे अवस्थामा फेला परेका छन् ।
जिल्लाको गोठलापानी शाहिलेक सडकखण्डमा अबैध रुपमा भारतबाट भन्सार छलि गरि ल्याएको चप्पल, छाता, पलाष्टिक, अचार, ज्वानो, बिडी, चाबी सलाई, मंगला तेल, बेसन, कापी, ताला, प्रेसर कुकर, नमकिन, नरिवल, दाल, चिनी लगायतका एक लाख पैतीस हजार तीन सय पैतालीस रुपैँया बराबरको सामानहरु बेवारिसे अवस्थामा फेला परेको जिल्ला प्रहरी कार्यालय बैतडीका प्रवक्ता प्रहरी निरीक्षक लोकराज जोशीले जानकारी दिए ।
गोप्य सूचनाको आधारमा बिहीबार राति ती सामग्री बरामद गरिएको जनाइएको छ । जिल्ला प्रहरी कार्यालयबाट खटिएको प्रहरी टोलीले दशरथचन्द नगरपालिका वडा नम्बर–४ गोठलापानीस्थित जगन्नाथ बहुमुखी क्याम्पस नजिक गोठलापानी शाहिलेक सडकखण्डमा उक्त सामान फेला पारेको जनाएको छ ।
प्रतिक्रिया दिनुहोस्