काठमाडौँ – आसन्न प्रतिनिधि सभा निर्वाचनमा एमालेबाट काठमाडौं–८ मा उम्मदेवार सिफारिस अष्टलक्ष्मी शाक्यले पार्टी अध्यक्ष केपी ओलीलाई विकल्प खोज्न भनेकी छिन्।
शनिबार ओलीसँग भेट गर्दै शाक्यले आफू संसदीय निर्वाचनबाट अलग्गिने घोषणा गरिसकेकाले विकल्प खोज्न भनेकी हुन्। शाक्यले आफ्नो निर्णयलाई अन्यथा नलिन पनि पार्टी अध्यक्ष ओलीलाई आग्रह गरेको बताईन् ।
शाक्यले उठ्ने रहर नभएकाले जबर्जस्ती राखेर मन भएका र जित्ने सम्भावना रहेकालाई १० बुँदेको नाममा फरक व्यवहार नगर्न पनि अध्यक्ष ओलीलाई अनुरोध गरेकी छिन्। उनले भीम रावल, घनश्याम भुसाल, सुरेन्द्र पाण्डे, भीम आचार्यहरूलाई समेट्न समेट्न समेत ओलीसँग आग्रह गरिन् ।
आफूले नउठ्ने अडान कामयै राखेपछि ओलीले धेरै प्रतिक्रिया नजनाएको उनको भनाई छ । ओलीले ’नउठ्ने भए ठीकै छ,’ भनेर छोटो प्रतिक्रिया दिएको उनको भनाई छ ।
ओलीले टिकट नदिएपछि घनश्याम भुसालले पार्टी छाडेका छन् भने भीम रावलले आगामी बाटोबारे आइतबारसम्म निर्णय लिने बताएका छन्।
प्रतिक्रिया दनुहोस्