प्रधानमन्त्री र प्रधानसेनापति सिग्देलबीच भेटवार्ता

काठमाडौं । प्रधानमन्त्री बालेन्द्र शाह र प्रधानसेनापति अशोकराज सिग्देलबीच भेटवार्ता भएको छ।

मंगलबार बिहान ११ बजेअघि प्रधानमन्त्रीलाई भेट्न सिग्देल सिंहदरबारस्थित प्रधानमन्त्रीको कार्यालय पुगेका थिए ।

११ बजेपछि सुदूरपश्चिमका सांसदहरूसँग छलफल तय भइसकेकाले भेटवार्ता छोटो भएको प्रधानमन्त्री शाहको सचिवालयले जानकारी दिएको छ। पछिल्लो समय देशको तराई क्षेत्रमा दुई समुदायबीच विवाद देखिएको थियो ।

विवाद साम्य हुँदै जाँदा प्रधानमन्त्री भेट्न प्रधानसेनापति सिग्देल सिंहदरबार पुगे पनि के विषयमा छलफल भयो भन्ने विषयमा जानकारी नरहेको दाबी प्रधानमन्त्रीको सचिवालयले गरेको छ । तराईमा देखिएको प्रदर्शनलाई लिएर गतसाता राष्ट्रिय सुरक्षा परिषद्को बैठक बसेको थियो ।

नेपाली सेनाका प्रवक्ता सहायक रथी राजाराम बस्नेतले भने नियमित भेटघाट भएको बताए । ‘उहाँहरूबीच यस्ता नियमित भेटघाट भइरहन्छ, आजको भेट पनि त्यही अन्तर्गतको हो,’,उनले भने ।