धनगढी : बाजुराको बुढीगंगा नदीमा डुबेर एकजनाको मृत्यु भएको छ।
केही दिनदेखि पितृ कार्यका लागि मौरे त्रिवेणीधाम पुकारमा बसिरहेका खप्तड छेडेदह गाउँपालिका–५ डोगडीका २६ वर्षका गणेश नेपालीको बुढीगंगा नदीमा डुबेर मृत्यु भएको हो।
जिल्ला प्रहरी कार्यालय बाजुराका प्रहरी नायब उपरीक्षक दीलिपकुमार गिरीका अनुसार त्रिवेणी नगरपालिका–८ मा रहेको धार्मिक स्थल त्रिवेणीधाममा ३२ वर्षीया अञ्जली नेपाली र २७ वर्षीय दीपक नेपाली पनिसँगै थिए।
उनीहरू तीनै जनाले देउता आयो भन्दै नदीमा हामफालेका थिए। अञ्जली र दीपक घाइते अवस्थामा जोगिएको तर गणेशको भने मृत्यु भएको प्रहरीले जनाएको छ।
अछामको बयालपाटा अस्पतालमा घाइते दुई जनाको उपचार भइरहेको छ। बाजुरामा देवीदेवता र पितृका नामको अन्धविश्वासका कारण यसअघि दुई जना देवताका धामी कर्णाली नदीमा बेपत्ता भएका थिए।
प्रतिक्रिया दनुहोस्